بلوچستان کے علاقے ژوب میں جماعت اسلامی کی ریلی کے قافلے پر دھماکا ہوا جہاں سراج الحق جلسہ عام میں شرکت کے لیے پہنچےتھے تاہم وہ محفوظ رہے جبکہ 7 کارکن زخمی ہوئے۔ وہ جلسہ عام سے خطاب کے لیے ژوب میں موجود تھے’۔
جماعت اسلامی نے سماجی رابطے کی ویب سائٹ ٹوئٹر پر جاری بیان میں کہا کہ ’امیر جماعت اسلامی سراج الحق کے قافلے پر ژوب بلوچستان میں خود کش حملہ ہوا اور حملہ آور مارا گیا‘۔
امیر جماعت اسلامی سراج الحق کے قافلے پر ژوب بلوچستان میں خود کش حملہ، حملہ آور مارا گیا۔
— Jamaat e Islami Pakistan (@JIPOfficial) May 19, 2023
الحمدللہ سراج الحق محفوظ ہیں۔ جلسہ عام سے خطاب کے لیے ژوب میں موجود تھے
بیان میں کہا گیا کہ حملے میں’سراج الحق محفوظ رہے، وہ جلسہ عام سے خطاب کے لیے ژوب میں موجود تھے’۔
بیان میں مزید کہا گیا کہ ’امیر جماعت کو قافلے کی صورت میں لے جایا جا رہا تھا، خودکش حملہ آور نے اس دوران دھماکا کیا، جس کے نتیجے میں جماعت اسلامی کے 7 کارکنان زخمی ہیں، جن میں سے 4 کی حالت نازک ہے‘۔
جماعت اسلامی نے بتایا کہ امیر جماعت اسلامی سراج الحق شیڈول کے مطابق جلسہ عام سے خطاب کریں گے۔
