افغانستان اور روس کے سفارتی تعلقات کے سو سال مکمل ہونے پر آج ماسکو میں ایک تقریب کا اہتمام کیا جارہا ہے۔
ذرائع ابلاغ کی اطلاعات کے مطابق افغان سیاستدانوں کا گروپ اور طالبان کے ارکان افغانستان میں قیام امن کے بارے میں مذاکرات کریں گے۔
حامد کرزئی سمیت دوسرے افغان سیاستدان اور سابق جہادی رہنما تقریب میں شرکت کیلئے ماسکو میں ہیں۔
طالبان نے ایک بیان میں کہا ہے کہ گروپ کے نائب رہنما ملا عبدالغنی برادر کی سربراہی میں چودہ رکنی وفد تقریب میں شرکت کرے گا۔
