مسلمانوں کے خلاف بدزبانی کرنیوالے ڈونلڈ ٹرمپ کی قرآن مجید کی تلاوت سنتے کی ویڈیو انٹرنیٹ پر وائرل ہوگئی ہے۔ ویڈیو میں ڈونلڈ ٹرمپ کو قرآن مجید کی تلاوت انہماک سے سنتے دیکھا جاسکتا ہے۔
امریکی صدر ڈونلڈ ٹرمپ اور نائب صدر مائیک پینس نے روایتی طور پر واشنگٹن کے گرجا گھرمیں منعقد ایک مذہبی تقریب میں شرکت کی۔ اس تقریب میں تمام مذاہب کے نمائندے شریک تھے،،اس دوران جب قرآن کریم کی تلاوت کی گئی تو صدر ٹرمپ اسے توجہ سے سنتے ہوئے نظر آئے۔
تلاوت شروع ہوئی توخاتون اول ملنیا ٹرمپ فائل اٹھانے لگیں۔ اس دوران ٹرمپ انہیں بیٹھے رہنے کا اشارہ کرتے بھی نظر آئے۔ تقریب میں ڈُولس کی مسلم سوسائٹی کے ایگزیکٹو ڈائریکٹر محمد مجید نےسورہ الحجرات اور سورہ روم کی آیات تلاوت کیں، جس کے بعد آیات کا انگریزی میں ترجمہ بھی پڑھ کر سنایا گیا۔
امام محمدمجید کے ترجمان نے بتایاکہ تلاوت کی گئی آیتوں کی منظوری واشنگٹن نیشنل کیتھڈرل کےحکام نے دی تھی۔ بعد میں پاکستانی نژاد مشیر ساجد تارڑ نے سورۃ فاتحہ کی تلاوت کی اور باآواز بلند آمین کہا۔
