امریکا: شمالی اورجنوبی کیرولائنا میں بارشوں سے 12 افراد ہلاک

امریکاکی ریاست جنوبی کیرولائنا کو تاریخ کی بدترین بارش کا سامنا ہوا۔ جنوبی کیرولائنا میں چھ سو سڑکیں اور بریج بند ہیں اور چالیس ہزارسے زائد شہری پانی جبکہ چھبیس ہزار سے زائد افرادبجلی سے بھی محروم ہیں۔

اس صورتحال میں اوورکریک(Overcreek) بریج ڈیم ٹوٹنے کے سبب لوگوں کا پڑے پیمانے پرانخلا کا بھی سامناہے۔ شہرکےایک طرف انخلا ہورہاتو دیگر علاقوں میں لاکھوں افراد طوفانی بارشوں کے سبب گھروں میں محصورہیں۔

اب موسم قدرے بہترہوا ہے اور منگل کو سورج نکلنے کا بھی امکان ہے مگر انتظامیہ نے شہریوں کو گھروں میں رہنے ہی کی ہدایت کی ہے۔ پچھلے تین روز میں ریاست میں دوفٹ سے زیادہ بارش ہوئی ہے۔جسکے سبب اسکول اور دفاتر بند ہیں۔

ریاست کی گورنر کا کہنا ہے کہ ایسی شدید بارش ایک ہزار سال میں ہونے کی توقع ہوتی ہے اور بارشوں سے نقصان کا تخمینہ ایک ارب ڈالر سے بھی زائد لگایا گیا ہے۔