متحدہ عرب امارات (یو اے ای) کے حکام کی جانب سے پاکستانی نرسوں کے لیے گولڈن ویزا متعارف کرادیا گیا ہے۔
غیر ملکی ذرائع ابلاغ کا اس حوالے سے کہنا ہے کہ یو اے ای نے پاکستانی نرسوں کے فرنٹ لائن ہیروز کے اہم کردار کو تسلیم کرنے کے لیے اپنے گولڈن ویزا پروگرام میں توسیع کردی ہے۔
گولڈن ویزا غیر ملکی باصلاحیت افراد کو متحدہ عرب امارات (یو اے ای) میں رہنے، کام کرنے یا تعلیم حاصل کرنے کی اجازت فراہم کرتا ہے۔
اگرچہ متحدہ عرب امارات(یو اے ای) کے گولڈن ویزا کی قیمت زمرے کی بنیاد پر مختلف ہوتی ہے، مگر نرسیں تقریباً 100,000 AED میں ویزا حاصل کر سکتی ہیں۔
گولڈن ویزا کی خاص بات یہ ہے کہ یہ ایک امیگریشن پروگرام ہے جو دنیا کے امیر ترین لوگوں کو گھر خرید کر یا بڑی سرمایہ کاری کرکے کسی دوسرے ملک میں رہائشی اجازت نامہ، یہاں تک کہ شہریت حاصل کرنے کی بھی اجازت دیتا ہے۔
گولڈن ویزا اقدام نرسنگ کے شعبے میں نمایاں خدمات انجام دینے والے باصلاحیت پیشہ ور افراد کو پہچاننے اور ان کا خیرمقدم کرنے کے لیے یو اے ای کے عزم کی عکاسی کرتا ہے۔
گولڈن ویزا کے فوائد؟
ویزا رہائشی ویزا رکھنے والوں کے خاندان کے افراد کو بھی دیا جاتا ہے، بشمول میاں بیوی اور بچے جن کی عمر کی کوئی حد نہیں ہے۔
کسی بھی کفیل کے بغیر 10 سالہ رہائشی ویزا ہوگا۔
ویزا ہولڈرز کے لیے یو اے ای سے باہر قیام کی محدود مدت کا اطلاق نہیں ہوتا ہے۔ یعنی اگر ہولڈر چھ ماہ سے زیادہ ملک سے باہر رہتا ہے تو ویزا منسوخ نہیں ہوتا، ویزا ہولڈر دوبارہ یو ا ے ای میں آکر رہائش اختیار کرسکتا ہے۔
