دہشت گردوں کے قبضے سے بھاری مقدار میں اسلحہ بھی برآمد۔
گلگت بلتستان پولیس نے بارہ دہشت گردوں کو گرفتار کیا ہے اور ان کے قبضے سے بڑی تعداد میں اسلحہ بھی برآمد کیا ہے۔
یہ بات گلگت بلتستان کے انسپکٹر جنرل پولیس ظفراقبال اعوان نے بدھ کے روز گلگت میں ایک نیوز کانفرنس کے دوران بتائی۔
انہوں نے کہا کہ دہشت گردوں نے چین پاکستان اقتصادی راہداری کو نقصان پہنچانے کی منصوبہ بندی کی ہے تاکہ گلگت بلتستان میں بے چینی پیدا کی جا سکے۔