چیئرمین جوائنٹ چیفس آف اسٹاف کمیٹی جنرل ندیم رضا کو ترک فوجی اعزاز لیجن آف میرٹ سے نوازا گیا

جنرل ندیم رضا کو ترک فوجی اعزاز لیجن آف میرٹ سے نوازا گیا فائل فوٹو جنرل ندیم رضا کو ترک فوجی اعزاز لیجن آف میرٹ سے نوازا گیا

چیئرمین جوائنٹ چیفس آف اسٹاف کمیٹی ندیم رضا جو ان دنوں ترکی کے دورے ہیں،انہوں نے ترکی کے وزیر دفاع اور عسکری قیادت سے اہم ملاقاتیں کی ہیں۔

چیئرمین جوائنٹ چیفس آف اسٹاف کمیٹی ندیم رضا نے ترک وزیر دفاع اور عسکری قیادت سے ملاقاتیں کی، ملاقاتوں میں باہمی دلچسپی کے امور دونوں ممالک میں دفاعی تعاون اور انسداد دہشت گردی سمیت دیگر معاملات پر تبادلہ خیال کیا گیا۔

پاک فوج کے شعبہ تعلقات آئی ایس پی آر کے مطابق ترک عہدیداران سے ہونے والی ملاقاتوں میں علاقائی صورتحال اور افغانستان کےامور بھی تفصیلی تبادلہ خیال ہوا۔

اس موقع پر دفاعی پیداوار سمیت مختلف شعبوں میں باہمی تعاون بڑھانے کے عزم کا اعادہ کیا گیا، ترک عسکری قیادت نے دہشت گردی کیخلاف افواج پاکستان کی قربانیوں کوسراہا۔

آئی ایس پی آر کے مطابق جنرل ندیم رضا کو ترک فوجی اعزاز لیجن آف میرٹ سے نوازا گیا، چیئرمین جوائنٹ چیفس آف اسٹاف کمیٹی کو ایوارڈ دینے کی تقریب ترک جنرل اسٹاف ہیڈ کوارٹرز میں ہوئی۔

 

install suchtv android app on google app store