پاکستان نے کنٹرول لائن پر بھارتی اشتعال انگیزی کی شدید مذمت کرتے ہوئے کہا ہے کہ حالیہ سرحدی اشتعال انگیزی نے اقوام متحدہ میں بولے گئے بھارتی جھوٹ کو بے نقاب کردیا۔
ترجمان دفتر خارجہ نے کنٹرول لائن پر ایک بار پھر بھارتی اشتعال انگیزی کی مذمت کرتے ہوئے خاتون کی شہادت پر دکھ کا اظہار کیا ہے۔
More unprovoked #CFVsbyIndia across LoC @ Kotli Sec last night resulted in Shahadat of 22yr old woman(Tashiba)& injuries to 2 more civilians
— M. Nafees Zakaria (@ForeignOfficePk) September 24, 2017
ترجمان دفتر خارجہ کا کہنا ہے کہ اشتعال انگیزی نے اقوام متحدہ میں بولے گئے بھارتی جھوٹ کو بے نقاب کردیا ہے۔
Such acts of belligerence while #UNGA is ongoing belie India's own statements & violate UN Charter & relevant HR/humanitarian laws
— M. Nafees Zakaria (@ForeignOfficePk) September 24, 2017
دفتر خارجہ کے ترجمان نے کہا کہ بھارتی فورسز نے ہفتہ اور اتوار کی شب کنٹرول لائن پر کوٹلی سیکٹر میں شہری آبادی کو نشانہ بنایا جس کے نتیجے میں 22 سال کی توشیبہ شہید اور دو افراد زخمی ہوئے۔
We condemn in strongest terms India's deliberate targeting of innocent civilians. Our heart goes out 2families of bereaved & those injured
— M. Nafees Zakaria (@ForeignOfficePk) September 24, 2017
ترجمان کا کہنا تھا کہ بھارتی فورسز نے اس وقت اشتعال انگیزی کی جب اقوام متحدہ کی جنرل اسمبلی کا اجلاس جاری ہے، بھارتی بربریت اقوام متحدہ جنرل اسمبلی میں بھارتی بیان، یو این منشور اور انسانی حقوق کی خلاف وزری ہے۔
ترجمان دفتر خارجہ نے کہا کہ بھارت جان بوجھ کر معصوم شہریوں کو نشانہ بنا رہا ہے جب کہ متاثرہ افراد کے دکھ میں شریک ہیں۔