امریکا نے کہا ہے کہ وہ پاکستان میں کسی غیر آئینی تبدیلی کی حمایت نہیں کرے گا۔ منتخب وزیر اعظم سے غیر آئینی طور پر مستعفی ہونے کا مطالبہ نہیں کیا جاسکتا۔
امریکی محکمہ خارجہ کے مطابق نوازشریف پانچ سال کے لیے وزیراعظم منتخب ہوئے ہیں ان سے مستعفی ہونے کا مطالبہ نہیں کیا جاسکتا۔ امریکا پاکستان کے ساتھ جمہوریت کے لیے کام کر رہا ہے۔
محکمہ خارجہ کا کہنا تھا کہ امریکا دیکھ رہا ہے پاکستان میں کیا ہو رہا ہے، فریقین کو تشدد سے گریز کرنا چاہیے، پاکستان کی صورت حال کو تشویش ناک قرار نہیں دیا جاسکتا۔
امریکی محکمہ خارجہ کے مطابق سیاسی ڈائیلاگ کے لیے کافی گنجائش موجود ہے، اسے پُرامن رہنا چاہیے۔ امریکا پاکستان میں آئینی اور انتخابی عمل کی حمایت کرتا ہے۔
