وزیراعظم شہبازشریف نے ڈنمارک میں عراقی سفارتخانے کے سامنے قرآن مجید کی بے حرمتی کی شدید مذمت کرتے ہوئے کہا ہے کہ بہکے ہوئے لوگوں کو اربوں مسلمانوں کے جذبات مجروح کرنے کی اجازت نہیں دے سکتے۔
سماجی رابطے کی ویب سائٹ ٹویٹر پر جاری بیان میں وزیراعظم کا کہنا ہے کہ ڈنمارک میں عراقی سفارتخانے کے سامنے قرآن مجید کی بے حرمتی سے دنیا بھر میں مسلمانوں کے جذبات مجروح ہوئے۔ پاکستان میں بھی اس واقعہ سے متعلق انتہائی تشویش اور دردمحسوس کررہے ہیں۔
وزیراعظم شہبازشریف نے کہا کہ تسلسل سے نفرت آمیز، گھناؤنے واقعات کے پیچھے منفی حکمت عملی پوشیدہ ہے، مذہبی ہم آہنگی کو نقصان پہنچانے کے ساتھ ساتھ اسلاموفوبیا کو فروغ دیا جارہا ہے۔
The latest incident of desecration of the Holy Quran in front of an Iraqi Embassy in Denmark has left Muslims all over the world deeply anguished. We, in Pakistan, are in deep pain and distress. The recurring pattern of these abominable and Satanic incidents has a sinister…
— Shehbaz Sharif (@CMShehbaz) July 25, 2023
انہوں نے کہا کہ مختلف حکومتوں اور عقائد کے رہنماؤں سے اس کے خاتمے کیلئے بات کروں گا، بہکے لوگوں کو اربوں مسلمانوں کےجذبات مجروح کرنے کی اجازت نہیں دے سکتے۔
خیال رہے کہ ڈنمارک میں قرآن پاک کی بے حرمتی کا ایک اور افسوسناک واقعہ رونما ہوا جس میں دو افرد نے عراقی سفارت خانے کے سامنے ناپاک جسارت کی ہے۔
