وزیر مملکت برائے اطلاعات و نشریات مریم اورنگزیب کی صدارت میں پاکستان کی پہلی فلم، پروڈکشن اور براڈ کاسٹ پالیسی کی تشکیل کا آغاز کردیا گیا ہے۔
وزیر مملکت اطلاعات نشریات و قومی ورثہ مریم اور نگزیب کی سر براہی میں فلم انڈسٹری کے متعلقہ افراد اور اہم اسٹیک ہولڈرز کا یہ دو روزہ سیمینار اس صنعت کی بحالی کے عمل کو شروع کرنے کی ایک کوشش ہے۔
انہوں نے یہ بات جمعہ کے روز کراچی میں دو روزہ پاکستان فلم پالیسی مشاورت کانفرنس2017 ء کے افتتاحی اجلاس سے خطاب کرتے ہوئے کہی۔
مریم اورنگزیب نے کہا کہ فلم انڈسٹری کی بحالی سے پاکستان رواداری اور امن کے پیغام کو فروغ دے سکتا ہے۔
