عالمی منڈی میں کمی کے رجحان کے باعث ملک میں ایک ہفتے کے دوران روئی کے نرخ پانچ سو روپے من تک گر گئے۔
پاکستان کاٹن جنرز ایسو سی ایشن کے مطابق نیویارک کاٹن ایکسچینج میں ایک ہفتے کے دوران روئی کی قیمتوں میں نو اعشاریہ آٹھ فیصد کی کمی ہوئی جو دو سالوں کے دوران ایک ہفتے میں ہونے والی سب سے بڑی کمی ہے جس کے بعد ملک میں روئی کے نرخ چھیاسٹھ سو روپے من پر آ گئے ہیں۔امریکا اور بھارت میں کپاس کی پیداوار ابتدائی اندازوں سے زیادہ ہونے کی اطلاعات عالمی منڈی میں نرخ گرنے کا سبب بنی۔