پنجاب سے ایک کروڑ سے زائد بیلز کی پیداوار یقینی بنانے کیلئے 24 لاکھ ہیکٹر پر کپاس کی کاشت کی گئی
کراچی رواں سال کپاس کا پیداواری ہدف 1 کروڑ 55 لاکھ بیلز مقرر کیا گیا ہے ، گزشتہ سیزن پیداوار ہدف سے کم رہی ۔
کاٹن جنرز فورم کے چیئرمین احسان الحق نے بتایا کہ ہدف حاصل کرنے کے لیے 30 لاکھ سے زائد ہیکٹر رقبے پر کپاس کاشت کی گئی ہے ۔ پنجاب سے 1 کروڑ سے زائد بیلز کی پیداوار یقینی بنانے کے لیے 24 لاکھ ہیکٹر رقبے پر کپاس کاشت کی گئی ، اس کے علاوہ سندھ میں رواں سال کپاس کا زیر کاشت رقبہ 6 لاکھ 50 ہیکٹر تک محدود رہا ہے ۔
احسان الحق کے مطابق گزشتہ سیزن ناساز موسم کے باعث کپاس 1 کروڑ 51 لاکھ بیلز ہدف کے مقابلے 1 کروڑ 41 لاکھ بیلز کے قریب رہی ۔