کورونا وائرس کی بدترین صورت حال، اردن نے بھارت سے پروازوں پر پابندی عائد کردی

 اردن نے بھارت سے پروازوں پر پابندی عائد کردی فائل فوٹو اردن نے بھارت سے پروازوں پر پابندی عائد کردی

کوروناوائرس کی بدترین صورت حال کے پیش نظر اردن نے بھی بھارت سے پروازوں پر پابندی عائد کردی۔

غیرملکی خبررساں ادارے کی رپورٹ کے مطابق بھارت اس وقت وبا کی سنگین صورت حال سے گزر رہا ہے، اسی باعث کورونا کیسز کا پھیلاؤ روکنے کے لیے اردن نے بھارت سے پروازوں پر پابندی لگا دی ہے۔

اردن کی جانب سے بھارت پر سفری پابندی 14 دن کے لیے عائد کی گئی ہے۔ اردن کے وزیر ٹرانسپورٹ نے بتایا کہ بھارت سے پروازوں پر پابندی کا فیصلہ وہاں کورونا کی خطرناک صورت حال کو دیکھتے ہوئے کیا گیا۔

دوسری جانب بنگلادیش نے بھی آج سے بھارت کے ساتھ اپنی سرحد بند کرنے کا اعلان کردیا۔

واضح رہے کہ بھارت میں کورونا کیسز اور اموات میں ریکارڈ اضافہ دیکھتے ہوئے اردن سے قبل ہانگ کانگ سمیت دیگر ممالک پہلے ہی بھارتی پروازوں پر پابندی عائد کرچکے ہیں۔

اعداد وشمار کے مطابق بھارت میں اب تک کورونا سے 1 لاکھ 95 ہزار مریض ہلاک ہوئے ہیں۔ ادھر دارالحکومت دلی میں لاک ڈاؤن میں ایک ہفتے کی توسیع کردی گئی جبکہ حالات مزید خراب ہونے کا خدشہ ظاہر کیا جارہا ہے۔

install suchtv android app on google app store