سعودی شیئرز مارکیٹ میں غیر ملکیوں کے شیئرز کی قدر میں بے تحاشہ اضافہ دیکھا جارہا ہے، سعودی شہریوں کے شیئرز کی قدر بھی بڑھ گئی۔
سعودی ویب سائٹ کے مطابق سعودی شیئرز مارکیٹ تداول میں گزشتہ ہفتے کے دوران غیر ملکیوں کے شیئرز کی قدر میں 220.7 ملین ڈالر کا اضافہ ہوا ہے۔
18 فروری کو ختم ہونے والے ہفتے میں اس سے پچھلے ہفتے کے مقابلے میں 0.38 فیصد قدر بڑھی ہے۔
تداول نے ہفتہ وار رپورٹ میں بتایا کہ غیر ملکیوں کے سعودی شیئرز کی قدر میں 827.55 ملین ریال (220.7 ملین ڈالر) کا اضافہ ہوا ہے۔
سعودی شیئرز مارکیٹ میں غیر ملکی سرمایہ کاروں کے شیئرز کی قدر مارکیٹ میں 217.622 ارب ریال ہوگئی جبکہ 11 فروری کو ختم ہونے والے ہفتے میں غیر ملکی سرمایہ کاروں کے شیئرز کی قدر 216.795 ارب ریال تھی۔
اسی طرح اسٹریٹجک سرمایہ کاروں کے شیئرز کی قدر 427.511 ملین ریال کم ہوگئی، سعودی شہریوں کے شیئرز کی قدر بھی 54.169 ارب ریال بڑھ گئی۔
سعودیوں کے شیئرز کی مجموعی قدر 8.88 ٹریلین ریال تک پہنچ گئی جبکہ 11 فروری 2021 کو ان کے حصص کی قدر 8.83 ٹریلین ریال تھی۔
خلیجی ممالک کے شہریوں کے شیئرز کی قدر 779.126 ملین ریال بڑھ کر 46.812 ارب ریال ہوگئی جبکہ 11 فروری 2021 کو ختم ہونے والے ہفتے میں ان کے شیئرز کی مجموعی قدر 46.033 ارب ریال تھی۔
