صحت عامہ اور معاشی بحرانوں سے نمٹنے کی ضرورت، جو بائیڈن نے اہم اعلان کر دیا

عہدۂ صدارت سنبھالنے سے قبل ہی امریکی صدر نے معیشت کی بحالی اور کورونا وائرس سے نبرد آزما ہونے کے لیے1.9 ٹریلین امریکی ڈالر کے امریکن ریسکیو پلان کا اعلان کیا ہے۔

جو بائیڈن نے کہا کہ کورونا وائرس کو قابو میں رکھنے اور اپنی معیشت کو بہتر سے بہتر بنانے کی بات کی جائے تو ہمارے پاس ضائع کرنے کے لئے ذرا سا بھی وقت نہیں ہے۔

اپنے تبصرے سے پہلے ٹوئیٹ کرتے ہوئے جوبائیڈن نے کہا کہ ہمیں صحت عامہ اور معاشی بحرانوں سے نمٹنے کی ضرورت ہے جن کا سامنا ہم کر رہے ہیں۔

انھوں نے کہا کہ اسی وجہ سے میں آج اپنے امریکا بچاؤ منصوبے کا اعلان کر رہا ہوں۔ ہم مل کر ہم وبائی امراض کا مقابلہ کریں گے۔ معاشی بحالی کی طرف ایک پل بنائیں اور نسلی انصاف کے لیے جدوجہد کریں گے۔

یہ بات قابل ذکر ہے کہ بائیڈن انتظامیہ کی جانب سے کورونا وائرس کا مقابلہ کرنے کے لئے400 ارب ڈالر تک کی منظوری کے لئے درخواست دی جاسکتی ہے جس کو کانگریس کی منظوری ضروری ہے تاکہ وہ امریکی معیشت کو بحال کرسکے۔

واضح رہے کہ 20؍ جنوری 2021 کو نومنتخب امریکی صدر جو بائیڈن اور نائب صدر کملا ہیریس اپنے عہدوں کا حلف لیں گے۔