سعودی عرب نے تمام ائیرلائنز کو فضائی آپریشن سے متعلق ہدایات جاری کر دیں

سعودی عرب کے تمام ائیرپورٹس غیر ملکی ائیرلائنز کے لیے کھول دیئے گئے ہیں، جنرل اتھارٹی آف سول ایوی ایشن گاکا نے ٹریول ایڈوائزری جاری کردی۔

گاکا نے ٹریول ایڈوائزری کے مطابق مملکت کے شہری دنیا کے کسی بھی ملک کا سفر کرسکتے ہیں، یہ سہولت31 مارچ دو ہزار اکیس تک برقرار رہے گی۔

گاکا نوٹیفکیشن میں کہا گیا ہے کہ سعودی شہری 31 مارچ تک وطن واپس آسکتے ہیں اور تمام ائیر لائنز بدھ کی صبح6 بجے سے آمد و رفت کے سلسلے آغاز کرسکتی ہیں۔

اس کے علاوہ سعودی ایوی ایشن کا کہنا ہے کہ جن ممالک میں کورونا کیسز کی تعداد زیادہ ہے ان ممالک پر اس نوٹیفکیشن کا اطلاق نہیں ہوگا، سعودی عرب میں کورونا وائرس کی روک تھام کے لیے کمیٹی تمام تر اقدامات کررہی ہے۔