صرافہ بازار میں غیر قانونی سرگرمیاں، حکام نے بھی نوٹس لے لیا

سونا فائل فوٹو سونا

ریاض کی گولڈ مارکیٹ میں وزارت افرادی قوت اور محکمہ زکاۃ و آمدنی کی مشترکہ تفتیشی کارروائی کی گئی جس کے نتیجے میں 115خلاف ورزیاں پکڑی گئی ہیں۔

مشترکہ تفتیشی ٹیم نے کہا ہے کہ ریاض شہر کی گولڈ مارکیٹ میں142 دکانوں کا دورہ کیا گیا ہے۔

تفتیش کے دوران تجارتی لائسنس ختم ہونے کے علاوہ فروخت ہونے والے زیورات پر کارخانے کی مہر کی خلاف ورزیاں پکڑی گئی ہیں۔

خریدے جانے والے زیورات کی غیر واضح رسیدوں کے علاوہ ویلیو ایڈڈ ٹیکس اور زکوٰۃ و آمدنی کے ٹیکسوں میں بھی ہیر پھیر پکڑی ہیں۔

تفتیشی ٹیم نے کہا ہے کہ بعض دکانوں میں منی لانڈرنگ کا شبہ بھی ہوا جبکہ بعض دکانوں میں سعودیوں کے نام پر غیر ملکیوں کے کاروبار کا بھی شک ہے۔

تفتیشی ٹیم نے کہا ہے کہ 115 دکانوں کے مالکان کے خلاف کارروائی کی گئی ہے جبکہ بعض دکانوں کے مالکان کو مزید تفتیش کے لیے طلب کیا گیا ہے۔

subscribe YT Channel install suchtv android app on google app store