کورونا وائرس پر تحقیق، سعودی عرب پہلے نمبر پر قرار دے دیا گیا

کورونا وائرس پر تحقیق، سعودی عرب  پہلے نمبر پر قرار دے دیا گیا فائل فوٹو کورونا وائرس پر تحقیق، سعودی عرب پہلے نمبر پر قرار دے دیا گیا

سعودی عرب کو عرب دنیا میں کورونا وائرس پر تحقیق کے حوالے سے پہلے نمبر پر قرار دیا گیا ہے۔

کابینہ اجلاس میں عمرہ اور مسجد نبوی کے روضہ اطہر میں نماز کی اجازت کے مرحلے کا جائزہ لیا گیا۔

سعودی ذرائع ابلاغ کے مطابق منگل کو شاہ سلمان کی زیر صدارت کابینہ اجلاس میں کورونا وائرس کے پھیلاؤ کو روکنے کے
لیے مخلتف پہلوؤں کا جائزہ لیا گیا۔

کابینہ کو بتایا گیا کہ مملکت کو عالمی وبا کے حوالے سے کلینیکل ریسرچ میں دنیا میں 25 ویں جبکہ مشرق وسطیٰ میں دوسرے نمبر پر قرار دیا گیا۔

قائم مقام وزیر اطلاعات ڈاکٹر ماجد القصبی نے کہا ہے کہ کابینہ نے عمرہ اور مسجد نبوی کے روضہ اطہر میں نماز کی اجازت کے دوسرے مرحلے کا جائزہ لیا جس پر مسلسل نظر ثانی کا عمل جاری ہے۔

عمرہ اور روضہ اطہر میں نماز کے لیے زائرین کی سلامتی کو ملحوظ رکھا جا رہا ہے، یہ سعودی قیادت کی ہدایات کے مطابق ہے جس کے تحت زائرین کو اپنے مناسک پر امن سلامتی کے ماحول میں ادا کرنے کا موقع فراہم کیا جا رہا ہے۔ اس میں شریعت کے مقاصد کی تکمیل بھی ہورہی ہے جس نے انسانی جان کو محترم قرار دیا ہے۔

کابینہ نے کورونا وائرس کے حوالے سے تازہ ترین رپورٹوں کا بھی جائزہ لیا جن کا تعلق مقامی اور بین الاقوامی صورت حال سے ہے۔

کورونا کے انسداد کے لیے جاری کوششوں پر بھی غور کیا گیا ہے جبکہ سعودی عرب میں اعداد و شمار کو دیکھا گیا جن کے مطابق ملک میں کورونا کے کیسز میں واضح کمی نظر آرہی ہے۔

کابینہ نے عالمی سطح پر سعودی عرب کی کوششوں اور وائرس کے انسداد کے لیے دی جانے والی امداد اور ریسرچ کے علاوہ علمی پیپر جاری کرنے کے حوالے سے بھی جائزہ لیا جن کے تحت سعودی عرب عالمی سطح پر 25 ویں، مشرق وسطٰیٰ کی سطح پر دوسری اور عرب دنیا میں اول پوزیشن حاصل کی۔

subscribe YT Channel install suchtv android app on google app store