لداخ میں غلطی سے لائن آف ایکچوئل پار کرنے والے چینی فوجی کو بھارتی سیکورٹی فورسز نے گرفتار کر لیا۔
بھارتی فوج نے چمار ڈیمچوک علاقے میں داخل ہونے والے چینی فوجی پکڑ لیا جس کی شناخت کورپورال وانگ یے لونگ کے نام سے ہوئی ہے۔
چینی میڈیا نے تصدیق کرتے ہوئے بتایا کہ چین کا فوجی راستہ بھول کر بھارتی حدود میں داخل ہوگیا تھا، چینی فوجی کی رہائی سےمتعلق معاملات طے پا گئے ہیں اور بھارت زیرحراست چینی سپاہی کو جلد رہا کرےگا۔
بھارتی فوج نے بھی بیان جاری کرتے ہوئے کہا ہے کہ پیپلزلیبریشن آرمی کے اہلکار کو ضابطے کی کارروائی کے بعد مرجوہ پروٹوکولز کے تحت واپس بھیج دیا جائے گا۔
چین اور بھارت کے درمیان سرحد پر مشرقی لداخ میں کشیدگی اکتیس اگست سے جاری ہے۔
یاد رہے بھارتی وزیر خارجہ جے شنکر نے سرحد پر صورتحال کو انتہائی سنگین قرار دیتے ہوئے کہا تھا کہ لائن آف ایکچوئل کنٹرول پر صورتحال انتہائی سنگین ہے، دونوں ممالک کو سیاسی سطح پر مذاکرات کی ضرورت ہے۔
