اقوام متحدہ میں مسئلہ کشمیر سے متعلق طیب اردوان کے موقف پربھارت تلملا اٹھا

طیب اردوان فائل فوٹو طیب اردوان

اقوام متحدہ میں مسئلہ کشمیر سے متعلق ترک صدر کے موقف پربھارت تلملا اٹھا اور ہٹ دھرمی برقرار رکھتے ہوئے مقبوضہ کشمیرکو بھارت کا اندرونی معاملہ قرار دے دیا۔

جنرل سیکریٹری کے اجلاس میں ترک صدر کی کشمیریوں کی حمایت بھارت پربجلی بن کرگری ، اقوام متحدہ میں بھارتی نمائندے نے کہا ترکی کو دوسرے ملک کی خودمختاری کا احترام کرنا چاہئیے

اقوام متحدہ میں بھارتی نمائندے ٹی ایس تریمورتی نے ہٹ دھرمی برقرار رکھتے ہوئے مقبوضہ کشمیرکو بھارت کا اندرونی معاملہ قرار دیا۔

یاد رہے ترک صدر رجب طیب اردوان نے اقوام متحدہ کی جنرل اسمبلی میں مسئلہ کشمیر ایک مرتبہ پھر اٹھاتے ہوئے کہا تھا کہ جنوبی ایشیا میں امن کا انحصار مسئلہ کشمیر پر ہے ، اس لئے مسئلہ کشمیر اقوام متحدہ کی قراردادوں کے مطابق حل ہونا چاہئے۔

ان کا کہنا تھا کہ دنیا بھر میں امن اور انسانیت کے لیے آواز اٹھاتے رہیں گے اور اپنے موقف سے دستبردار نہیں ہوں گے۔

install suchtv android app on google app store