ایک اور طیارہ گر کر تباہ، ایک ہی خاندان کے 4 افراد ہلاک

امریکی ریاست آرکنساس میں مسافر بردار طیارہ گر کر تباہ ہوگیا فائل فوٹو امریکی ریاست آرکنساس میں مسافر بردار طیارہ گر کر تباہ ہوگیا

امریکی ریاست آرکنساس میں مسافر بردار طیارہ گر کر تباہ ہوگیا جس کے نتیجے میں طیارے میں موجود چاروں افراد ہلاک ہوگئے۔

امریکی نشریاتی ادارے کے مطابق آرکنساس سے جنوبی کیرولینا کی جانب پرواز کرنے والے چھوٹے طیارے کو موسم کی خرابی کی وجہ سے راستہ تبدیل کرنا پڑا تھا تاہم فائیٹویل کے اوپر سے پرواز کے دوران طیارہ ہچکولے کھانے لگا اور گر کر تباہ ہوگیا۔

کنٹرول ٹاور نے طیارے کے لاپتہ ہونے اور بعد ازاں زمین بوس ہونے کی اطلاع دی ریسکیو اداروں کی دیدی جس پر پوری رات سرچ آپریشن کے بعد اگلی صبح طیارے کا ملبہ ایک جنگلی علاقے میں مل گیا جس میں سے چار لاشیں نکالی گئی ہیں۔

لاشوں کی شناخت پاؤل ہیئرن، کیون ہیئرن، ہالی ہیئرن اور گیون ہیئرن کے نام سے ہوئی ہے اور چاروں ایک ہی خاندان کے افراد ہیں۔ حادثہ موسم کی خرابی کے باعث پیش آیا تاہم فیڈرل ایوی ایشن کا کہنا ہے کہ کیون ہیئرن کے پاس خراب موسم میں طیارہ اُڑانے کا لائسنس نہیں تھا۔

install suchtv android app on google app store