افغانستان میں ایک بار پھر زوردار دھماکے کے نتیجے میں متعدد افراد ہلاک اور کئی زخمی ہوگئے۔
غیرملکی خبررساں ادارے کی رپورٹ کے مطابق افغان شہر ایبک میں خفیہ ایجنسی کے دفتر کے قریب زوردار دھماکا ہوا جس کے نتیجے میں درجنوں افراد کی ہلاکتوں کا خدشہ ظاہر کیا جارہا ہے۔
ابتدائی رپورٹ کے مطابق تقریباً 43 ہلاک اور زخمی افراد کو اسپتال منتقل کیا گیا ہے جن میں بچے اور عورتیں بھی شامل ہیں۔ فورسز کی بھاری نفری جائے وقوعہ پر پہنچ چکی ہے اور ریسکیو آپریشن بھی جاری ہے۔
آج ہی کے دن شدت پسندوں نے افغان صوبے گھور میں سیکیورٹی چیک پوسٹ پر حملہ کیا جس کے نتیجے میں ایک فوجی اہلکار ہلاک اور پانچ زخمی ہوگئے۔ اہلکاروں نے جوابی کارروائی کرتے ہوئے دہشت گردوں کو بھاگنے پر مجبور کر دیا۔
یاد رہے کہ حالیہ دنوں افغانستان میں دہشت گردوں نے ایک بار پھر سیکیورٹی ادارے کے اہلکاروں کو نشانہ بنانے کی کوشش کی تھی، فورسز نے جوابی کارروائی کرتے ہوئے ایک شدت پسند کو ہلاک کردیا تھا۔
Video: Social media footage shows aftermath of car bomb blast this morning near NDS building in Aybak city, #Samangan. Fighting lasted an hour afterward w/ 3 attackers & 10 security personnel killed & 60 others wounded--including 10 security personnel--said local officials. pic.twitter.com/lTgp4bzMDt
— TOLOnews (@TOLOnews) July 13, 2020