سعودی عرب میں سستی ترین بجلی پیدا کرنے کا پراجیکٹ ، حکومت نے اہم اعلان کردیا

وزیر توانائی شہزادہ عبدالعزیز بن سلمان فائل فوٹو وزیر توانائی شہزادہ عبدالعزیز بن سلمان

سعودی عرب کے وزیر توانائی شہزادہ عبدالعزیز بن سلمان نے اعلان کیا ہے کہ جلد مملکت میں شمسی توانائی ’سولر انرجی‘ منصوبے کا آغاز کیا جائے گا۔

عرب میڈیا کی رپورٹ کے مطابق اپنے ایک بیان میں شہزادہ عبدالعزیز بن سلمان کا کہنا تھا کہ ممکنہ شمسی توانائی منصوبے کے تحت سعودی عرب میں سستی ترین بجلی پیدا کی جائے گی، پراجیکٹ کا اعلاج جلد کیا جائے گا۔

انہوں نے کہا وژن کے تحت سعودی عرب 2030 تک اپنی 50 فیصد بجلی خود پیدا کرے گا، جس کے لیے مذکورہ منصوبہ سمیت دیگر توانائی کے ذرایع کو استعمال میں لائیں گے، ہوا سے بننے والی بجلی کے منصوبے کو بھی بڑھانا زیرغور ہے۔

وزیر کا کہنا تھا کہ اس وقت شمسی توانائی کے منصوبے کا جائزہ لینے کے لیے مختلف مراحل پر پیشگی کام کررہے ہیں، یہ منصوبہ نہ صرف سعودی عرب بلکہ پوری دنیا کو سستی ترین بجلی پیدا کرکے دے گا۔

شہزادہ عبدالعزیز بن سلمان نے یہ بھی کہا کہ سعودی عرب اب توانائی کی بچت کے پروگراموں میں انتہائی سنجیدہ ہے، اور مملکت میں توانائی کے شعبوں کی بڑٖھوتی کے لیے بھی پرعزم ہے۔

install suchtv android app on google app store