بھارت میں پائلٹ نے طیارے میں فنی خرابی ہونے کے سبب ہائی وے پر ایمرجنسی لینڈنگ کرا دی۔
بھارت میں سدارپور گاؤں کے ہائی وے پر پائلٹ نے طیارے کو اتار دیا، پولیس کا کہنا ہے کہ پائلٹ کے پاس طیارے کو ہائی وے پر لینڈنگ کرنے کے سوا کوئی چارہ نہیں تھا۔
نیشنل کیڈٹ کور (این سی سی) کا تربیتی طیارہ تھا، غازی آباد پولیس آفیسر کا کہنا تھا کہ سدارپور گاؤں میں ہائی وے پر کپتان نے ڈیڑھ بجے کے قریب ہنگامی لینڈنگ کی۔
Ghaziabad: An aircraft made an emergency landing at Eastern Peripheral Expressway near Sadarpur village today, after it faced a technical problem. pic.twitter.com/ALRTCquHGA
— ANI UP (@ANINewsUP) January 23, 2020
پولیس کے مطابق دو سیٹر تربیتی ہوائی جہاز میں کچھ تکنیکی خرابی پیدا ہوئی تھی جس کے بعد ایسٹرن پیریفرل ایکسپریس وے پر ہنگامی لینڈنگ کرنا پڑی۔
غازی آباد پولیس افسر کے مطابق لینڈنگ کے دوران طیارے کے فرنٹ وہیل اور بائیں بازو کو نقصان پہنچا اور ہنگامی لینڈنگ کے بعد ہندوستانی فضائیہ کے اہلکار پائلٹوں کو اپنے ساتھ لے گئے۔
