وزیراعظم عمران خان کے قریبی دوست اور بھارتی صوبہ بنجاب کے وزیر نوجوت سنگھ سدھو نے کابینہ سے استعفیٰ دیدیا ہے۔
تفصیلات کے مطابق نوجوت سنگھ سدھو نے ٹویٹر پر اپنے استعفیٰ کا سکرین شاٹ شیئر کرتے ہوئے پیغام لکھا کہ میں نے اپنا استعفیٰ کانگریس کے سربراہ راہول گاندھی کو دس جون کو بھیج دیا تھا۔
My letter to the Congress President Shri. Rahul Gandhi Ji, submitted on 10 June 2019. pic.twitter.com/WS3yYwmnPl
— Navjot Singh Sidhu (@sherryontopp) July 14, 2019
بھارتی میڈیا کا کہناہے کہ ابھی تک یہ بات سامنے نہیں آ سکی ہے کہ نوجوت سنگھ سدھو نے اپنا استعفیٰ وزیراعلیٰ پنجاب کو بھیجنے کی بجائے پارٹی کے سربراہ کو کیوں بھجوایا ہے۔
وزیراعلیٰ پنجاب کے دفتر کا کہناہے کہ نوجوت سنگھ کا استعفیٰ موصول نہیں ہوا ہے۔ نوجوت سنگھ سدھو سے گزشتہ مہینے سیاحت اور ثقافت کا قلمدان واپس لے لیا گیا تھا اور انہیں ” نئی اور قابل تجدید توانائی ‘ ‘ کا عہدہ دیا گیا تھا، کابینہ میں تبدیلی کے بعد وہ مکمل طور پر خاموش ہو گئے تھے ۔انہوں نے کابینہ میں تبدیلی کے موقع پر بیان جاری کرتے ہوئے کہا تھا کہ ہم ایک ساتھ تیرے ہیں اور ایک ساتھ ڈوبیں گے، یہ مجموعی ذمہ داری ہے ، میں نے کارکردگی کا مظاہرہ کیاہے اور میں پنجاب کے عوام کو جواب دہ ہوں۔ نوجوت نے چھ جون کو نیا عہدہ لینے سے انکار کر دیا تھا ۔
