ترکی نے امید ظاہر کی ہے کہ امریکہ ایران کے ساتھ کشیدگی کے باوجود تیل کی خریداری کے حوالے سے اس پر پابندیوں میں نرمی کرے گا۔
صدر رجب طیب اردوان کے ترجمان ابراہیم کالین نے واشنگٹن میں صحافیوں سے گفتگو کرتے ہوئے کہا کہ ترکی کے وزیر خزانہ بیرٹ البیراک نے وائٹ ہاؤس میں صدر ڈونلڈ ٹرمپ سے ملاقات کی اور روس سے ہتھیاروں کی بڑے پیمانے پر خریداری سمیت ترکی کے اختلافات پر تفصیلی تبادلہ خیال کیا۔
