جوبائیڈن نے فیڈرل گن ریفارمز بل پر دستخط کر دیے

جوبائیڈن فائل فوٹو جوبائیڈن

امریکی صدر جو بائیڈن نے گزشتہ تین دہائیوں میں اپنی نوعیت کی پہلی بڑی اصلاحات کو ممکن بنانے والے فیڈرل گن ریفارمز بل پر دستخط کر دیے ہیں، صدر کے دستخط کے بعد سے اب یہ قانونی مسودہ باقاعدہ طور پر قانون بن گیا ہے۔

جوبائیڈن کا کہنا تھا کہ یہ بل وقت کی ضرورت تھا، جس سے کئی جانیں بچائی جا سکیں گی، اگرچہ اس بل وہ سب کچھ نہیں ہے جو میں چاہتا ہوں، لیکن اس میں وہ اقدامات شامل ہیں جن کے لیے میں نے طویل عرصے سے مطالبہ کیا تھا جس سے جانیں بچائی جائیں گی۔

بندوق کی قانون سازی میں نوجوان خریداروں کے لیے بہتر پس منظر کی جانچ پڑتال اور ریاستوں کے لیے وفاقی نقد “ریڈ فلیگ” کے قوانین متعارف کرائے گئے ہیں جو عدالتوں کو عارضی طور پر ان لوگوں سے ہتھیار واپس لینے کی اجازت دیتے ہیں جنہیں خطرہ سمجھا جاتا ہے۔تاہم، بائیڈن اور دیگر ڈیموکریٹس کے مطلوبہ زیادہ سخت اقدامات اس میں شامل نہیں ہو سکے ہیں، جس کے تحت فوجی طرز کی رائفلوں پر پابندی تھی جس سے بڑے پیمانے پر فائرنگ سے زیادہ جانی نقصان ہونے کا خدشہ ہوتا ہے۔

اس قانون میں ایسی دفعات بھی شامل ہیں، جن کا مقصد آتشیں اسلحے کی غیر قانونی فروخت کو روکنا اور اسمگلروں اور دوسروں کے لیے ہتھیار خریدنے والوں کو سخت سزائیں دینا ہے۔ یہ قانون سازی ریاست ٹیکساس کے ایک پرائمری اسکول میں اندھا دھند فائرنگ کے واقعے میں انیس بچوں اور دو اساتذہ کی ہلاکت کے تقریبا ایک ماہ بعد کی گئی۔

subscribe YT Channel install suchtv android app on google app store