عبداللہ عبداللہ نے بھارتی میڈیا کا ایک اور پروپیگنڈا بے نقاب کردیا
- اپ ڈیٹ:
فائل فوٹو
عبداللہ عبداللہ
افغانستان کے سابق چیف ایگزیکٹیو ڈاکٹر عبداللہ عبداللہ نے بھارتی میڈیا کا ایک اور پروپیگنڈا بے نقاب کردیا۔
صحافی نوین کپور نے گزشتہ روز سوشل میڈیا پر ایک ٹوئٹ میں دعویٰ کیا تھا کہ عبداللہ عبداللہ کو طالبان نے حراست میں لے کر نامعلوم مقام پر منتقل کر دیا ہے۔
جس کے تھوڑی ہی دیر بعد ڈاکٹرعبداللہ عبداللہ نے طالبان کی جانب سے خود کو حراست میں لیے جانے کی خبروں کی تردید کردی۔
افغان رہنما نے اپنے ٹوئٹر اکاؤنٹ پر بھارتی صحافی نوین کپور کی ٹوئٹ شیئر کی جس میں دعویٰ کیا گیا تھا کہ عبداللہ عبداللہ طالبان کی قید میں ہیں۔
عبداللہ عبداللہ نے اپنی ٹوئٹ میں واضح کیا کہ ان کے حراست میں لیے جانے کی بھارتی میڈیا کی خبر جھوٹی ہے۔ بھارتی صحافی خبر شائع کرنے سے قبل حقائق کو چیک کرلیا کریں۔
واضح رہے کہ گزشتہ دنوں بھی بھارتی ٹی وی چینلز نے وادی پنجشیر میں لڑائی کے وقت ویڈیو گیمز کے کلپ دکھا کر وہاں پاکستانی لڑاکا طیاروں کے استعمال کا جھوٹا دعویٰ کیا تھا۔
