مراکش اور الجیریا میں بھی کورونا کی بھارتی قسم کے کیسز رپورٹ

کورونا مریض فائل فوٹو کورونا مریض

شمالی افریقی ممالک مراکش اور الجیریا میں پہلی بار کورونا کی بھارتی قسم کے کیسز رپورٹ ہوئے ہیں۔

الجیریا اور مراکش میں کورونا کے بھارتی اسٹرین کے کیسز رپورٹ ہونے پر شدید تشویش پیدا ہوگئی ہے۔ مراکشی شہر کاسا بلانکا میں کورونا کی بھارتی قسم سے دو افراد متاثر ہوئے۔

اسی طرح الجیریا کے علاقے ٹیپازا پرنس میں بھی بھارتی اسٹرین کے 6 کیسز رپورٹ ہوئے۔

دونوں افریقی ممالک کی وزارت صحت نے پہلی بار نئے قسم کے کیسز کی تصدیق کردی۔ خیال رہے کہ مراکش میں مہلک وائرس سے مجموعی طور پر 5 لاکھ 12 ہزار افراد متاثر جبکہ 9 ہزار مریض ہلاک ہوئے۔

مذکورہ ملک میں 4 لاکھ 98 ہزار مریضوں نے وبا کو شکست بھی دی۔ دوسری جانب الجیریا میں اب تک 1 لاکھ 22 ہزار افراد اس وبا سے متاثر اور 195 افراد ہلاک ہوئے۔

خیال رہے کہ اس وقت بھارت کورونا کو گڑھ بن چکا ہے جہاں ریکارڈ کیسز اور اموات رپورٹ ہورہی ہیں۔ حالیہ دنوں ایسی صورت حال بھی رہی کہ مریضوں کو آکسیجن سلنڈر تک میسر نہیں تھے۔

subscribe YT Channel install suchtv android app on google app store