آسمان سے گرتی بوندوں اور ٹھنڈی ہواؤں نے جاتی ہوئی سردی کا راستہ روک لیا ۔ اسلام آباد اور روالپنڈی میں وقفے وقفے سے موسلادھار بارش نے جل تھل کر دیا۔ محکمہ موسمیات کا کہنا ہے کہ بارشوں کا حالیہ سلسلہ اتوار تک جاری رہے گا۔
اسلام آباد ،راولپنڈی سمیت بالائی پنجاب ،بالائی خیبرپختونخوا ،گلگت بلتستان اور کشمیر میں وفقے وفقے سے موسلادھار بارش کا سلسلہ جاری ہے۔ حالیہ بارشوں سے ایک بار پھر سردی کی شدت میں اضافہ ہو گیا ہے، بارش سے شہر اقتدار کا موسم انتہائی حسین ہو گیا ہے۔
محکمہ موسمیات کی پیشن گوئی کے مطابق بارشوں کا حالیہ سلسلہ اتوار تک جاری رہنے کا امکان ہے، جبکہ سوموار سے منگل کے دوران راولپنڈی ،اسلام آباد مالاکنڈ ،ہزارہ ،گوجرانولہ اور کشمیر میں چند ایک مقامات پر گرج چمک کیساتھ مزید بارش اور مری ،گلیات ،مالاکنڈ ڈویژن ،گلگت بلتستان اور کشمیر میں پہاڑوں پر برفباری کا بھی امکان ہے،آئندہ 24 گھنٹوں کے دوران ہزارہ ڈویژن اور کشمیر میں اکثر مقامات پر جبکہ اسلام آباد ،بالائی پنجاب ،بالائی خیبر پختونخوا اور گلگت بلتستان میں کہیں کہیں بارش اور پہاڑوں پر برفباری کا امکان ہے ،اس دوران فیصل آباد ،ساہیوال ،ملتان ،ڈی جی خان ،ڈی آئی خان ،بنوں اور دیگر چند ایک مقامات پر بھی بارش متوقع ہے،
