ڈاکٹر شہباز گل نے ٹک ٹاک سے متعلق کہا کہ نئے نظام کی تیاری اور نفاذ تک ٹک ٹاک پر وقتی پابندی لاگو رہے گی۔
ان خیالات اظہار وزیر اعظم کے معاون خصوصی برائے سیاسی روابط ڈاکٹر شہباز گل نے سماجی رابطے کی ویب سائٹ پر کیا، انہوں نے ویڈیو شیئرنگ اپلیکیشن سے ٹک ٹاک سے متعلق کہا کہ پرائم منسٹر پورٹل پر ٹک ٹاک سے متعلق ان گنت والدین کی شکایات موصول ہوئی تھیں۔
وزیراعظم کو والدین کی طرف سے مسلسل ٹک ٹاک سے غیر اخلاقی مواد کے پھیلاؤ اورناپختہ ذہنوں پر اس کے پیدا ہونے والے اثرات کے حوالے سے شکایات موصول ہورہی تھیں
— Dr. Shahbaz GiLL (@SHABAZGIL) October 9, 2020
شکایات کی روشنی میں جب تک ٹک ٹاک انتظامیہ ایسے موادکے پھیلاؤ کو روکنے کامیکانزم ترتیب نہیں دے لیتی ایپ پر پابندی عائدرہے گی
ٹوئٹر پر جاری پیغام میں شہباز گل کا کہنا تھا کہ شکایات ملیں کہ ٹک ٹاک پر چھوٹے بچے نامناسب سرگرمیوں کا شکار ہورہے ہیں اور سرگرمیاں مذہب، ثقافت اور رہن سہن کے برخلاف ہیں۔
رہنما پاکستان تحریک انصاف نے کہا کہ کمپنی کو شکایت کے ازالے کےلیے نظام متعارف کروانے کا کہا گیا ہے اور نئے نظام کی تیاری اور نفاذ تک ٹک ٹاک پر وقت پابندی عائد رہے گی۔
خیال رہے کہ کچھ دیر قبل پی ٹی اے نے ٹک ٹاک ایپ بند کرنے کا فیصلہ کیا گیا ہے، اتھارٹی کا کہنا ہے کہ ٹک ٹاک کے خلاف بہت ساری شکایات موصول ہوئی تھیں جس پر ٹک ٹاک بلاک کرنے کی ہدایات جاری کر دی گئی ہیں۔
پاکستان میں ٹک ٹاک کے شوقین افراد کی تعداد لاکھوں میں ہے جو اپنی ویڈیوز بنا کر ٹک ٹاک پر اپ لوڈ کرتے ہیں، اس دوران ہزاروں نوجوان خطرناک انداز میں ویڈیو بنا کر ایپ پر ڈاؤن لوڈ کرتے ہیں جس کے باعث گزشتہ ایک سال کے دوران درجنوں نوجوان اپنی زندگی کی بازی ہار چکے ہیں۔
