ایپل کمپنی پر 25 ملین یوروز کا بھاری جرمانہ عائد کردیا گیا

 معروف کمپنی ایپل کو پرانے آئی فونز کی رفتار کم کرنے پر بھاری جرمانہ فائل فوٹو معروف کمپنی ایپل کو پرانے آئی فونز کی رفتار کم کرنے پر بھاری جرمانہ

دنیا کی معروف کمپنی ایپل کو پرانے آئی فونز کی رفتار کم کرنے پر بھاری جرمانہ کردیا گیا ہے۔

برطانوی نشریاتی ادارے کے مطابق ایپل پر 25 ملین یورو کا جرمانہ فرانس کے مسابقتی اور فراڈ پر نظر رکھنے والے ادارے کی جانب سے کیا گیا جس کا کہنا ہےکہ ایپل نے صارفین کو بتائے بغیر اپنے پرانے آئی فونز کی رفتار کو کم کیا۔

2017 میں ایپل نے اس بات کی تصدیق کی تھی کہ اس نے کچھ آئی فونز کی رفتار کم کی ہے مگر یہ ڈیوائس کی معیاد بڑھانے کے لیے کیا گیا لیکن صارفین کو اپ گریڈ کرنے کے لیے کوئی تجویز نہیں دی گئی۔

ایپل کا کہنا تھا کہ ڈیوائسز میں لیتھیم آئیون بیٹریاں اپنی مدت پوری کرنے کے سبب مطلوبہ کرنٹ فراہم کرنے کے قابل نہیں تھیں جس کے نتیجے میں آئی فون دوسرے فونز کے مقابلے میں غیر متوقع طور پر بند ہوسکتا تھا۔

ایپل کے مطابق آئی فون 6، آئی فون 6 ایس اور آئی فون ایس ای کو اپ ڈیڈ کرنے کے لیے سوفٹ وئیر جاری کیا گیا جس نے ان فونز کی بیٹری کی کارکردگی کو بہتر کیا۔

ایپل کا کہنا تھا کہ فرانسیسی واچ ڈوگ کے ساتھ اس معاملے کو حل کرلیا گیا ہے۔

تاہم فرانسیسی واچ ڈوگ نے کہا کہ معاہدے کے مطابق ایپل کو فرانسیسی زبان میں اپنی ویب سائٹ پر ایک ماہ کے لیے نوٹس لگانا ضروری ہوتا ہے لیکن کمپنی نے آئی فون رکھنے والوں کو یہ نہیں بتایا کہ آئی او ایس (10.2.1 اور 11.2) انسٹال کرنے سے ان کے فونز کی رفتار کم ہوسکتی ہے۔

واچ ڈوگ کا کہنا تھا کہ ایپل کمپنی معاہدے کی رو سے فریب کے جرم کی مرتکب ہوئی ہے جس پر وہ جرمانہ ادا کرنے کرنے پر بھی رضا مند تھی۔

subscribe YT Channel install suchtv android app on google app store