واٹس ایپ نے ایک اور دلچسپ فیچر کی آزمائش شروع کر دی

واٹس ایپ فائل فوٹو واٹس ایپ

میٹا کا انسٹنٹ میسجنگ پلیٹ فارم واٹس ایپ ایک نئے فیچر پر کام کر رہا ہے جس کو استعمال کرتے ہوئے صارفین مصنوعی ذہانت سے بنی پروفائل فوٹو لگا سکیں گے۔

واٹس ایپ بِیٹا انفو کے مطابق کمپنی نے یہ نیا فیچر آزمائش کے لیے ایپ کے اینڈرائیڈ بِیٹا ورژن 2.24.11.17 میں متعارف کرایا ہے۔ یہ فیچر ان افراد کے لیے مفید ہوگا جو پروفائل پکچر میں اپنی تصویر استعمال کرنے سے گریز کرتے ہیں۔

رپورٹ کے مطابق صارفین پروفائل پکچر سیٹنگز میں ایڈٹ آئیکون کو کلک کر کے کو اس فیچر تک رسائی حاصل کر سکیں گے۔ تاہم، واٹس ایپ ممکنہ طور پر اس فیچر کے لیے ایک مخصوص ٹیب متعین کرے گا۔

اے آئی سے چلنے والا پروفائل پکچر جنریٹر صارفین کے مزاج، شخصیت یا رجحان کو منعکس کرتی تحریر پر مبنی تصاویر بنائے گا۔

واٹس ایپ بِیٹا انفو کے مطابق اس فیچر کے لیے ممکنہ طور پر وہی لینگوئج ماڈل زیر استعمال ہے جو حال ہی میں میٹا اے آئی سرچ بار کے لیے استعمال کیا گیا ہے۔

یہ فیچر فی الحال آزمائشی مراحل میں ہے اور اس کے اجراء کے متعلق فی الحال کسی حتمی تاریخ کا اعلان نہیں کیا گیا ہے۔

install suchtv android app on google app store