نوجوان فاسٹ بولر شاہین شاہ آفریدی شاندار کارکردگی کا مظاہرہ کرتے ہوئے رواں سال سب سے زیادہ ٹی ٹوئنٹی وکٹیں حاصل کرنے والے بولرز میں پہلی پوزیشن پر آگئے۔
20 سالہ شاہین آفریدی نے ملتان میں جاری قومی ٹی ٹوئنٹی چیمپئن شپ میں اپنی ٹیم خیبرپختونخوا کی نمائندگی کرتے ہوئے سندھ کے خلاف میچ میں پانچ وکٹیں حاصل کیں جس کے ساتھ رواں سال میں ان کی مجموعی وکٹوں کی تعداد 36 ہوگئی۔
شاہین آفریدی نے افغانستان کے راشد خان کو پیچھے چھوڑا جن کی اِس سال ٹی ٹوئنٹی میچز میں اب تک 33 وکٹیں ہیں۔
Most five-fors in men's T20s (No. of innings in brackets):
— ICC (@ICC) October 5, 2020
? SL Malinga 5️⃣ (289)
?= Shaheen Afridi 4️⃣ (56) ?
?= D Wiese 4️⃣ (203)
?= Shakib Al Hasan 4️⃣ (302)
Shaheen claimed 5/21 in the #NationalT20Cup earlier ?
He has now taken 3️⃣ five-wicket hauls in his last 5️⃣ T20s ? pic.twitter.com/nbEZXEFksI
پاکستان کے شاداب خان اور حارث رؤف 31، 31 وکٹوں کے ساتھ مجموعی طور پر تیسرے نمبر پر ہیں۔
دوسری جانب شاہین شاہ آفریدی نے ٹی ٹوئنٹی کرکٹ میں آج چوتھی مرتبہ ایک اننگز میں 5 وکٹیں حاصل کیں۔
سری لنکا کے لاستھ ملنگا نے کیریئر میں 5 مرتبہ فائیو وکٹ ہال حاصل کیا جب کہ شکیب الحسن اور ڈیوڈ ویزے بھی 4، 4 بار ٹی ٹوئنٹی کی ایک اننگز میں پانچ وکٹیں لے چکے ہیں۔
