شہرہ آفاق ترکش ڈرامہ سیریز ’ارطغرل غازی‘ کی ’حلیمہ سلطان‘ نے پاکستان سپر لیگ (پی ایس ایل) کی فرنچائز پشاور زلمی کے لیے جلد خوشخبری سنانے کا اعلان کردیا۔
چند روز قبل ٹوئٹر پر پشاور زلمی کے چیئرمین جاوید آفریدی نے اپنی ٹوئٹس شیئر کرتے ہوئے اظہار خیال کیا تھا کہ ' اگر ارطغرل غازی اور حلیمہ سلطان پشاور زلمی کی ٹیم میں برانڈ ایمبیسیڈر کے طور پر شامل ہو جائیں تو؟'۔
جس پر پاکستانی مداحوں نے بے حد خوشی کا اظہار کیا اور سب نے ہی کہا کہ ایسا ہو جائے تو کیا ہی بات ہو۔
ایسے میں اب ’ارطغرل غازی‘ میں حلیمہ سلطان کا مرکزی کردار نبھانے والی ترکش اداکارہ اسراء بلجیک نے بھی پشاور زلمی میں شامل ہونے کا عندیہ دے دیا ہے۔
I will be sharing some good news with you soon. @JAfridi10 @PeshawarZalmi
— Esra Bilgiç (@esbilgic) July 5, 2020
اسراء بلجیک نے ایک ٹوئٹ شیئر کی جس میں پشاور زلمی اور جاوید آفریدی کو ٹیگ کیا اور لکھا کہ ’میں بہت جلد آپ کو ایک اچھی خبر سناؤں گی۔‘
Thank you #HalimeSultan https://t.co/nLCWRDsBFD
— Javed Afridi (@JAfridi10) July 5, 2020
بعدازاں جاوید آفریدی نے اداکارہ کی ٹوئٹ پر شکریہ کا جواب بھی دیا۔
