قومی ٹیم کے چھ کھلاڑی غیر ملکی ایئرلائن کی پرواز سے انگلینڈ روانہ

قومی کرکٹ ٹیم کے6کھلاڑی براستہ دبئی مانچسٹر پہنچیں گے، فائل فوٹو قومی کرکٹ ٹیم کے6کھلاڑی براستہ دبئی مانچسٹر پہنچیں گے،

 قومی ٹیم کے چھ کھلاڑیوں پر مشتمل قومی اسکواڈ کا دوسرا گروپ غیر ملکی ایئر لائن کی پرواز سے انگلینڈ روانہ ہوگیا، کورونا ٹیسٹ  منفی آنے والے 6کھلاڑی لاہور سے مانچسٹر کیلئے روانہ ہوگئے۔

قومی کرکٹ ٹیم کے6کھلاڑی براستہ دبئی مانچسٹر پہنچیں گے، انگلینڈ جانے والے کھلاڑیوں میں فخر زمان، محمد حسنین، محمد حفیظ، محمد رضوان، شاداب خان اور وہاب ریاض شامل ہیں۔

مانچسٹر پہنچنے کے بعد یہ چھ کھلاڑی بذریعہ بس وورسٹر روانہ ہوجائیں گے،جہاں ای سی بی ٹیسٹنگ پروگرام کے زیر اہتمام کوویڈ19 ٹیسٹنگ میں منفی رزلٹ دینے پر انہیں اسکواڈ کے دیگر کھلاڑیوں کے ساتھ شامل کرلیا جائے گا۔

ان کھلاڑیوں نے ٹیم میں شمولیت پر خوشی کا اظہار کرتے ہوئے کہا کہ اسکواڈ کا حصہ بننے کی بہت خوشی ہے اور توقعات پر پورا اترنے کی کوشش کریں گے دورہ انگلینڈ بہت اہمیت کا حامل ہے۔

واضح رہے کہ تمام کھلاڑیوں کی کورونا ری ٹیسٹنگ29 جون کو ہوئی تھی، اس سے پہلے 26جون کو ان6 کھلاڑیوں کا کورونا ٹیسٹ منفی آیا تھا جبکہ مذکورہ کھلاڑیوں کا پہلا کورونا ٹیسٹ مثبت آیا تھا۔

خیال رہے کہ محمد حفیظ ان کھلاڑیوں میں شامل تھے جن کا پی سی بی کی جانب سے کیے گئے کورونا ٹیسٹ کے دوران نتیجہ مثبت آیا تھا تاہم اس کے اگلے ہی دن انہوں نے سماجی رابطوں کی ویب سائٹ ٹوئٹر پر انکشاف کیا تھا کہ ان کا اور اہلخانہ کا کورونا وائرس کا ٹیسٹ منفی آیا ہے۔

اس سے قبل 25 جون کو قومی ٹیمن کے پہلے اسکواڈ نے لاہور ایئرپورٹ سے خصوصی طیارے میں مانچسٹر کے لیے اڑان بھری تھی، اسکواڈ میں 20 کھلاڑی اور 11 مینجمنٹ کے اراکین شامل تھے

subscribe YT Channel install suchtv android app on google app store