پی ایس ایل ٹکٹوں کے ری فنڈ کا معاملہ کب حل ہوگا؟ پی سی بی ترجمان نے اہم اعلان کردیا

پی سی بی ترجمان کے مطابق کوریئر سینٹرز سے خریدے گئے ٹکٹوں کی رقم سینٹرز سے ہی ملے گی مگر لاک ڈاؤن کی وجہ سے ٹکٹوں کی رقم کاری فنڈ شروع نہیں ہوسکا۔

ترجمان نے بتایا کہ لاک ڈاؤن کے اختتام پر ہی اس حوالے سے مزید اعلان کیا جائے گا۔

خیال رہے کہ کورونا وائرس کے باعث پاکستان سپر لیگ کے پانچویں ایڈیشن کے کچھ میچز بند اسٹیڈیمز میں کھیلے گئے تھے تاہم بعدازاں دنیا بھر میں سنگین صورتحال کے باعث لیگ کو روک دیا گیا تھا۔

لیگ کے 2 سیمی فائنلز اور فائنل ہونا باقی ہیں تاہم امکان ہے کہ نومبر میں یہ میچز کھیلے جائیں۔