ملتان میں 12 سال کے بعد عالمی کرکٹ کی واپسی پر سینیٹر فیصل جاوید نے ملتان کے عوام کومبارکباد دی اور کہا افتتاحی میچ آج ملتان سلطانز اور پشاور زلمی کے درمیان ہوگا۔
سینیٹر فیصل جاوید نے سماجی رابطے کی ویب سائٹ ٹوئٹر پر اپنے بیان میں کہا ملتان کے عوام کومبارک ہو، 12 سال بعد عالمی کرکٹ واپس آگئی، پاکستان کاسب سے بڑا کرکٹ اسٹیڈیم پی ایس ایل کی ٹیموں کی میزبانی کرے گا۔
فیصل جاوید کا کہنا تھا کہ افتتاحی میچ آج سلطانز اورزلمی کے درمیان ہوگا،آل دا بیسٹ۔
Mubarak to people of Multan as Intl Cricket makes a come back to this beautiful city after 12yrs. The largest cricket stadium of Pakistan to host thrillers among PSL teams with the inaugural game kicking off today between Sultans and Zalmis!!!! All the best #PakistanZindabad pic.twitter.com/eU2iDufKXG
— Faisal Javed Khan (@FaisalJavedKhan) February 26, 2020
خیال رہے پی ایس ایل فائیو میں ملتان سلطانز اور پشاور زالمی کے میچ کی تیاریاں مکمل کرلی گئیں ہیں ، فاطمہ جناح کالونی میں پارکنگ کے خصوصی انتظامات کئے گئے ہیں جبکہ پارکنگ ایریا اسٹیڈیم سے 3.4 کلو میٹر کے فاصلے پر بنایا گیا ہے۔
شائقین کو اسٹیڈیم لے جانے کے لیے 42 شٹلزکا انتظام کیا گیا ہے ، ہر5 منٹ بعد شٹل شائقین کو لیکر اسٹیڈیم روانہ ہوگی ، پارکنگ ایریا میں سیکیورٹی کے سخت انتظامات کئے گئے ہیں جبکہ انٹری گیٹس پر میٹل ڈیٹیکٹر اور واک تھرو گیٹس نصب ہیں۔