پی ایس ایل فائیو: راولپنڈی اسٹیڈیم پہلی دفعہ 8 میچز کی میزبانی کے لیے تیار

پاکستان سپرلیگ فائل فوٹو پاکستان سپرلیگ

پاکستان سپرلیگ فائیو کیلئے راولپنڈی کرکٹ اسٹیڈیم کو بھرپور انداز میں سجا دیا گیا ہے، شائقین کرکٹ کی بے تابی نقطہ عروج کو چھو رہی ہے۔

راولپنڈی کرکٹ اسٹیڈیم پاکستان سپرلیگ فائیو کے 8 میچز کی میزبانی کرنے کیلئے تیار ہے۔ اسٹیڈیم کی تزئین آرائش کا کام بھی مکمل کرلیا گیا ہے جبکہ شائقین کرکٹ کی انٹری کےلئے خصوصی پلان بھی تشکیل دے دیا گیا ہے۔

لاہور اور کراچی کے بعد پی ایس ایل کا قافلہ اب راولپنڈی کرکٹ اسٹیڈیم کا رخ کرنےجارہاہے ، راولپنڈی کرکٹ ا سٹیڈیم کی تزئین وآرائش مکمل ہوگئی ہے، کرکٹ کے دیوانوں کیلئے مختلف پیغامات پر مبنی پوسٹرز ہرجانب آویزاں ہیں۔
سہیل تنویر اور شعیب اختر انکلوژرزمیں بھی سیٹیں سجادی گئی ہیں ایسےمیں شہریوں کی بے تابی عروج پر پہنچ چکی ہے۔ بنگلہ دیش اور سری لنکن کرکٹ ٹیموں کےدوروں کے دوران تنقید سامنے آنے کے بعد اب پی ایس ایل کے لیے آوٹ فیلڈ کو ہرا بھرا کردیا گیا ہے۔ آٹھ میچز کی میزبانی کے لیے کیوریٹرز چار پچز کی خوب دیکھ بھال میں مگن ہیں۔

install suchtv android app on google app store