دنیائے کرکٹ کے بڑی کھلاڑی بابراعظم کے گرویدہ ہو گئے، تعریفوں کے پل باندھ دیئے

 نوجوان بیٹسمین نے مجھے پیچھے چھوڑ دیا فائل فوٹو نوجوان بیٹسمین نے مجھے پیچھے چھوڑ دیا

لیجنڈری وکٹ کیپر بیٹسمین کمار سنگاکارا نے بابراعظم کو حیران کن صلاحیتوں کا مالک قرار دیتے ہوئے کہا ہے کہ نوجوان بیٹسمین نے مجھے کئی طرح سے پیچھے چھوڑ دیا ہے۔

ایک انٹرویو میں کمار سنگا کارا نے کہا کہ بابر اعظم کی صلاحیتوں نے حیران کردیا ہے، میں بابر اعظم کو کافے عرصے سے دیکھ رہا ہوں اور کراچی کنگز میں ان کے ساتھ کھیل بھی چکا ہوں، یہ ایک غیر معمولی کھلاڑی ہیں۔

سنگاکارا نے کہا کہ بابر اعظم دنیا کے بہترین کھلاڑی ہیں جیسے ویرات کوہلی، کین ولیمسن اور جوئے روٹ بڑے پلیئرز ہیں اسی طرح بابراعظم بھی بڑے کھلاڑی ہیں جو کہ ہر فارمیٹ کے لیے باآسانی دستیاب ہوتے ہیں۔

42 سالہ سنگاکارا کا کہنا تھا کہ بابر اعظم میرے لیے خاص کھلاڑی ہے اور وہ کئی طریقوں سے مجھ پر سبقت لے گیا ہے، بابر اعظم کو بابراعظم کے طور پر بہترین بننا ہے۔

سری لنکن کھلاڑی کا کہنا تھا کہ پاکستان آکر بہت پیار ملا، یہاں کے لوگوں سے مل کر بہت خوشی ہوئی جسے ہمیشہ یاد رکھوں گا، پاکستان کھیل کے لیے محفوظ ملک ہے اور یہاں کا تجربہ ہمیشہ کی طرح شاندار رہا۔

install suchtv android app on google app store