انگلینڈ کرکٹ ٹیم کے مایہ ناز سابق کھلاڑی کیون پیٹرسن بھی پاکستانی اوپنر احمد شہزاد کی حمایت کیلئے میدان میں آ گئے ہیں جنہوں نے سلیکشن کمیٹی کو ’بے وقوف‘ قرار دیدیا ہے۔
کیون پیٹرسن نے کہا کہ ابھی بنگلہ دیش کے خلاف ٹی 20 سیریز کیلئے پاکستان کا منتخب سکواڈ دیکھا ہے، کوئی دنیا میں ایسی انہونی کیسے کرسکتا ہے کہ اوپنر کا انتخاب نہ کرے، احمد شہزاد کی پاکستان سپر لیگ (پی ایس ایل) اور ڈومیسٹک کرکٹ میں کارکردگی کا ریکارڈ قومی ٹیم میں ان پر ترجیح پانے والے کھلاڑی سے کہیں زیادہ بہتر ہے۔
Just seen the team that PAKISTAN have picked to play Bangladesh.
— Kevin Pietersen? (@KP24) January 16, 2020
How on this planet can @iamahmadshazhad NOT be in that squad???
His PSL numbers and domestic number are so much better than the batter picked ahead of him!
STUPID!
اوپنر احمد شہزاد کیون پیٹرسن کی جانب سے حمایتی بیان سامنے آنے پر خوش نظر آئے جنہوں نے ان کا شکریہ ادا کرتے ہوئے کہا کہ ہو سکتا ہے کہ اس میں اللہ کی طرف سے کوئی بہتری ہو۔
Thank u for care buddy..
— Ahmad Shahzad ?? (@iamAhmadshahzad) January 16, 2020
Allah certainly have better plans for me!
I love them all❤️ https://t.co/Ai7edVItEq
واضح رہے کہ بنگلہ دیش کے خلاف لاہور میں کھیلی جانے والی ٹی 20 سیریز کیلئے سلیکٹرز نے فخر زمان اور امام الحق کو ڈراپ کرکے کسی تجربہ کار اوپنر کو شامل کرنے کے بجائے ڈیبیو کے منتظر احسان علی کو ترجیح دی ہے۔
