ادھر کپتانی نصیب ہوئی تو ساتھ ہی مخالفت بھی شروع ، سرفراز احمد کی حمایت میں بڑا اعلان مگر کس کا؟ حیران کن خبر آگئی

بابر اعظم فائل فوٹو بابر اعظم

بابراعظم  قومی ٹیم کے کپتان منتخب، ان کی مخالفت کرتے ہوئے یہ معاملہ سینیٹ کی کمیٹی میں اٹھانے کا اعلان سامنے آگیا۔

 پاکستان تحریک انصاف کے سینیٹر فیصل جاوید نے سرفراز احمد کی حمایت کر دی۔
 
سینیٹ میں قائمہ کمیٹی برائے بین الصوبائی رابطہ کے رکن فیصل جاوید نے کہا کہ بابراعظم کو کپتان بنا کر زیادتی کی گئی ہے اور وہ یہ معاملہ سینیٹ کی کمیٹی میں بھی اٹھائیں گے ، نئے کپتان پر بہت زیادہ دباو ہوگا، بابراعظم پر بھی دباوَ ڈال کر کارکردگی خراب کی جائے گی وہ اچھے کھلاڑی ہیں لیکن ان کی کارکردگی بھی متاثر ہوگی۔انہوں نے کہا کہ سرفرازاحمد کو ٹی20 کی کپتانی سے ہٹانے کی کوئی وجہ نہیں ان کی کارکردگی شاندار ہے، بطور کپتان ٹی 20 جیت کی شرح زیادہ ہے۔

سینیٹرفیصل جاوید کا کہنا تھا کہ سرفرازاحمد نے ٹی 20 میں مسلسل 11میچ جتوائے اور قومی ٹیم کو نمبر ون بنایا۔ان کا کہنا تھا کہ ہوم گراوَنڈ میں کھیلنے کے لیے پوری قومی ٹیم تبدیل کی گئی لہذا سارا ملبہ سرفرازاحمد پر نہیں ڈالا جاسکتا۔ان کا کہنا تھا کہ مصباح الحق کے آنے کے بعد پہلی سیریز میں شکست ہوئی اور شاید توجہ ہٹانے کے لیے سرفراز احمد کو تبدیل کیا گیا ہے۔

install suchtv android app on google app store