پاکستان میں انٹرنیشنل ٹیموں کے لیے دروازے کھل گئے

ایم سی سی کی ورلڈ کرکٹ کمیٹی فائل فوٹو ایم سی سی کی ورلڈ کرکٹ کمیٹی

ایم سی سی کی ورلڈ کرکٹ کمیٹی نے پاکستان میں انٹرنیشنل ٹیموں کے دوبارہ جانے پر اپنی حمایت کا اظہار کردیا ہے۔

لارڈز لندن میں ایم سی سی کی ورلڈ کرکٹ کمیٹی کا اجلاس منعقد ہوا، جس کی صدارت سابق انگلش کپتان مائیک گیٹنگ نے کی۔

اجلاس میں دیگر امور کے ساتھ پاکستان میں سیکیورٹی کی صورت حال پر بھی بات کی گئی، ایم ڈی پی سی بی وسیم خان نے موجودہ سیکیورٹی و سیاسی حالات سے ارکان کو آگاہ کیا۔

ایم سی سی نے انٹرنیشنل ٹیموں کے دوبارہ پاکستان جانے پر اپنی حمایت کا اظہار کیا،اس حوالے سے مختلف معاملات کا جائزہ لیا گیا۔

سیکیورٹی کا جائزہ مستقبل میں بھی لیا جاتا رہے گا اور اسی کی بنیاد پر ایم سی سی بھی اپنی ٹیم کو بھیجنے پر غور کرے گا۔

install suchtv android app on google app store