چیف سلیکٹر کے عہدے سے سبکدوش ہونے والے انضمام الحق کی رحمدلی سے متعلق قومی کرکٹر آصف علی نے نیا انکشاف کر دیا۔
جارح مزاج بلے باز آصف علی نے کہا کہ جب انضمام بھائی کو معلوم ہوا کہ میری بیٹی چوتھے درجے کے کینسر میں مبتلا ہے، تو وہ ذاتی طور پر پی سی بی کے دفتر گئے اور بورڈ حکام سے میری بیٹی کے علاج کیلئے فنڈز کی بات کی اور یہ سب معاملات خود حل کئے۔
آصف علی نے سماجی رابطے کی ویب سائٹ ٹوئٹر پر جاری اپنے پیغام میں کہاکہ وہ ایک ایسے لیجنڈ ہیں جن کی تعریف الفاظ میں نہیں کی جا سکتی، نوجوان کھلاڑیوں کے لئے گراﺅنڈ کے اندر اور باہر حقیقی معنوں میں رول ماڈل ہیں۔
When @Inzamam08 bhai found out that my daughter was suffering with stage 4 cancer, he personally went down to PCB office, spoke about the funds for treatment & got it sorted. Legend beyond words. A true role model both in and out on the field #ThankYouInzamam #Legend #RiseAndRise pic.twitter.com/AIaSLlA8X3
— Asif Ali (@AasifAli2018) July 17, 2019
واضح رہے انضمام الحق کے بطور چیف سلیکٹر کی مدت 30 جولائی کو ختم ہو رہی ہے اور انہوں نے گزشتہ روز قذافی اسٹیڈیم لاہور میں شیڈول پریس کانفرنس میں اپنے عہدے سے سکبدوشی کا اعلان کیا تھا ۔