شاہین آفریدی ورلڈ کپ میں وکٹیں اڑانے کیلئے تیار

 فاسٹ بولر شاہین شاہ آفریدی فائل فوٹو فاسٹ بولر شاہین شاہ آفریدی

قومی کرکٹ ٹیم کے فاسٹ بولر شاہین شاہ آفریدی کا کہنا ہے کہ ورلڈ کپ میں کوشش ہو گی کہ ویرات کوہلی، ڈیوڈ وارنر اور اسٹیو اسمتھ کو آؤٹ کرکے اپنے ملک کی عزت میں اضافہ کروں۔

شاہین آفریدی کا کہنا ہے کہ کبھی سوچا بھی نہیں تھا کہ اتنی کم عمری میں ورلڈ کپ میں ملک کی نمائندگی کا موقع ملے گا، خواہش ہے کہ ہر میچ کو اپنی عمدہ کارکردگی کے ذریعے یادگار بناکر نام کماؤں۔ کوشش ہوگی ویرات کوہلی، ڈیوڈ وارنر اور اسٹیو اسمتھ کو آؤٹ کرکے اپنے ملک کی عزت میں اضافہ کروں۔

شاہین آفریدی نے کہا کہ وزیر اعظم عمران خان سے ملاقات سے قبل وہ تھوڑا نروس تھے تاہم اس ملاقات کے بعد ان کا مورال بلند ہوا ہے۔ ان کا وسیم اکرم سے موازنہ ٹھیک نہیں تاہم کوشش ہوگی کہ 1992 کے ورلڈ کپ میں سوئنگ کے سلطان کی طرح پرفارمنس دے کر ٹیم کی جیت میں اہم کردار ادا کرنے کی کوشش کروں۔

subscribe YT Channel install suchtv android app on google app store