پاکستان سپر لیگ (پی ایس ایل) کی آمد سے قبل ہی تمام ٹیمیں متحدہ عرب امارات (یو اے ای) پہنچ چکی ہیں اور دیگر ٹیموں کی طرح پشاور زلمی کے غیر ملکی کھلاڑیوں نے بھی اپنی ٹیم کو جوائن کرلیا۔
پشاور زلمی کے کپتان ڈیرن سیمی، لیام ڈاسن، ڈیوڈ ملان اور وین میڈسن نے دبئی میں ٹیم کو جوائن کیا۔
پاکستان سپر لیگ سیزن ٹو کی فاتح اور گزشتہ سیزن کی رنراپ ٹیم پشاور زلمی نے بلند حوصلوں اور کامیابی کا عزم لیے دبئی میں پی ایس ایل سیزن فور کی تیاریوں کا باقاعدہ آغاز کردیا۔
(1/2) A storm is brewing and it is yellow as the first practice session ends with all smiles at the ICC Cricket Academy in Dubai. Stay tuned for more updates. #PSL4 #YellowStorm #HumZalmi pic.twitter.com/Ls3mqB9RvI
— PeshawarZalmi (@PeshawarZalmi) February 9, 2019
تمام غیر ملکی کھلاڑیوں نے آئی سی سی کرکٹ اکیڈمی میں ٹیم کے اسکواڈ کے ہمراہ پریکٹس سیشن میں حصہ لیا۔
اپنے رنگ میں رنگنے کی روایت کو برقرار رکھتے ہوئے پشاور زلمی نے وین میڈسن کو بھی اپنے رنگ میں رنگ لیا جو ٹیم کے ساتھ پہلے ہی روز اردو اور پشتو بولتے نظر آئے۔
انہوں نے اردو اور پشتو سیکھ کر خوشی کا اظہار کیا اور ساتھ ہی پشاور زلمی کے لیے اچھی کارکردگی دکھانے کے عزم کا بھی اظہار کیا۔
Presenting to you, The Official Kit of @PeshawarZalmi for PSL 4. ⚡️?
— PeshawarZalmi (@PeshawarZalmi) February 6, 2019
Our jersey depicts the true values and passion for @PeshawarZalmi. @darensammy88 has his aim set for one more star on the jersey. #PSL4, here we come. ?https://t.co/5uT2bkYy37
دیگر کھلاڑیوں میں ابتسام شیخ اور عمید آصف نے بھی مسلسل دوسری مرتبہ پشاور زلمی کی نمائندگی کرنے پر خوشی کا اظہار کیا۔
.@KamiAkmal23 all set to maintain his highest runs record in @thePSLt20. He played a blistering innings in today's practice game and looks in good form. ⚡#YellowStorm #HumZalmi pic.twitter.com/5gDhdXCx5U
— PeshawarZalmi (@PeshawarZalmi) February 11, 2019
پی ایس ایل کا آغاز 14 فروری سے دبئی میں ایونٹ کی رنگا رنگ افتتاحی تقریب کے بعد دفاعی چیمپیئن اسلام آباد یونائیٹڈ اور لاہور قلندرز کے درمیان میچ سے ہوگا۔
پشاور زلمی اپنا پہلا میچ روایتی حریف کوئٹہ گلیڈی ایٹرز کے خلاف 15 فروری کو کھیلے گی۔
