شنیرا اکرام اور ثانیہ مرزا شوہروں کے لیے اکٹھی ہوگئیں

شنیرا اکرام اور ثانیہ مرزا شوہروں کے لیے اکٹھی ہوگئیں فائل فوٹو شنیرا اکرام اور ثانیہ مرزا شوہروں کے لیے اکٹھی ہوگئیں

پاکستان سپر لیگ (پی ایس ایل) متحدہ عرب امارات (یو اے ای) میں جاری ہے، جہاں لیگ کی تمام ٹیمیں ایک دوسرے کو پچھاڑنے کے لیے پرجوش ہیں۔

جہاں پی ایس ایل میں اپنی پسندیدہ ٹیم کے کھلاڑیوں کا حوصلہ بڑھانے کے لیے عام عوام بھی میدان میں موجود ہوتے ہیں، وہیں کھلاڑیوں کے اہل خانہ اور قریبی رشتہ دار بھی ان کی حوصلہ افزائی کے لیے موجود ہوتے ہیں۔

اورایسا ہی کام کیا اس بار پاکستان کی قومی بھابھیوں کا اعزاز رکھنے والی غیرملکی بہوؤوں یعنی آسٹریلیا کی شنیرا اکرام اور ہندوستان کی ثانیہ مرزا نے جنہوں نے اپنے شوہروں کی حوصلہ افزائی کے لیے دبئی کے کرکٹ گراؤںڈ میں ایک ساتھ وقت گزارا۔

جی ہاں، پی ایس ایل میں شامل ہونے والی نئی ٹیم ’ملتان سلطان‘ کے ڈائریکٹر اور سابق کھلاڑی وسیم اکرم کی اہلیہ شنیرا اور اسی ٹیم کے کپتان شعیب ملک کی اہلیہ ثانیہ مرزا نے دبئی میں کھیلے گئے ملتان سلطان اور کوئٹہ گلیڈی ایٹرز کے میچ میں اپنے شوہروں کی ٹیم کی حوصلہ افزائی کی۔
یہ پہلا موقع تھا کہ پاکستان کے مایہ ناز کھلاڑیوں کی دونوں غیر ملکی بیویاں ایک ساتھ میچ دیکھنے کے لیے گراؤنڈ میں موجود تھیں۔

7 مارچ کو ملتان سلطان اور کوئٹہ گلیڈی ایٹرز کے درمیان دبئی میں کھیلی گئی میچ میں وسیم اکرم اور شعیب اختر کی بیویاں اپنے شوہروں کو سپورٹ کرنے کے لیے گراؤنڈ میں موجود رہیں۔
اس دوران شنیرا اکرام اور ثانیہ مرزا نے ملتان سلطان ٹیم کو سپورٹ کرنے والے مداحوں کے ساتھ بھی جشن منایا اور ان کے ساتھ مل کر ٹیم کی حوصلہ افزائی کے لیے نعرے بازی کی۔

install suchtv android app on google app store