بنگلہ دیش پریمیئر لیگ میں حسن علی نے تباہ کن بولنگ کرتے ہوئے کومیلا وکٹورینز کو ڈھاکا ڈائنامائٹس کے خلاف فتح دلا دی۔
بی پی ایل میں ڈھاکہ ڈائنامائٹس اور کومیلا وکٹورینز کے درمیان کھیلے گئے میچ میں حسن علی نے کومیلا وکٹورینز کی نمائندگی کی اور 3.3 اوورز میں صرف 20 رنز دے کر 5 کھلاڑیوں کو ٹھکانے لگایا۔ دلچسپ بات یہ ہے کہ انہوں نے تمام بیٹسمینوں کی وکٹیں اڑائیں، ان کا شکار بننے والوں میں ویسٹ انڈیز کے ایون لوئس، مصدق حسین، مہدی معروف، محمد صدام اور ابو حیدر شامل ہیں
5 victims all five Bowled! Alhamdulillah thanks to the almighty another good performance that I enjoyed! @realshoaibmalik you get better with every innings you play Bhai #BPL #T20 pic.twitter.com/Bdzgva2OBo
— Hasan Ali (@RealHa55an) November 20, 2017
حسن علی کی تباہ کن بولنگ کی بدولت ڈھاکا ڈائنامائٹس 18.3 اوورز میں 128رنز ہی بنا پائی، بعد ازاں وکٹورینز کی نمائندگی کرنے والے پاکستانی بیٹسمین شعیب ملک نے ناقابل شکست 54 رنز بناتے ہوئے ٹیم کو فتح سے ہمکنارکروایا۔