"پاکستان کرکٹ ٹیم کو کسی دشمن کی ضرورت نہیں"

"پاکستان کرکٹ ٹیم کو کسی دشمن کی ضرورت نہیں" فائل فوٹو "پاکستان کرکٹ ٹیم کو کسی دشمن کی ضرورت نہیں"

ٹی ٹوئنٹی ورلڈکپ 2024 میں بھارت کے ہاتھوں شکست کے بعد سابق کپتان وسیم اکرم نے کہا کہ پاکستان کرکٹ ٹیم کو دشمن کی ضرورت نہیں ہے، یہ اپنے لیے خود ہی بہت ہیں۔

وسیم اکرم نے بھارتی اسپورٹس چینل پر تبصرے کے دوران خاصی ناراضگی کا اظہار کرتے ہوئے کہا کہ اب ہم ان کے منہ میں کیا چوسنی ڈالیں گے؟ ان کو بتائیں گے کہ situation awarness کیا ہوتی ہے، یہ پچھلے 8، 10 سالوں سے کھیل رہے ہیں، کیا انہیں بابر اور کوچ بتائیں گے کہ کیسے کھیلنا ہے؟

انھوں نے بھارت کے خلاف محمد رضوان کی بیٹنگ پر تنقید کرتے ہوئے کہا کہ کیا رضوان کو میں بتاؤں گا کہ ایک اوور کے لیے سب سے اہم بولر آیا ہے تو وکٹ لینے آیا ہے تم اس کے اوور میں سنگل لو، ہماری ٹیم نے 10 اوورز کے بعد کوئی چوکا ہی نہیں لگایا اور کوشش بھی نہیں کی، افتخار احمد کو میں بولنگ کروں تو وہ ایک ہی شاٹ لگائے گا، آف سائیڈ پر بھی کھیلنا سیکھ لو، 120 رنز کے ہدف کا تعاقب بھی نہ کر سکے، بطور پاکستانی شرمندگی ہونے لگی ہے۔

سابق کپتان قومی ٹیم نے مطالبہ کیا کہ اب وقت آگیا ہے کہ پاکستان کی نئی ٹیم بنائی جائے۔

واضح رہے کہ ٹی ٹوئنٹی ورلڈکپ میں امریکا کے بعد بھارت سے شکست پر شائقین کرکٹ شدید ناراض ہیں اور پاکستان ٹیم میں آپریشن کلین اپ کا مطالبہ کر رہے ہیں جبکہ چیئرمین پی سی بی محسن نقوی نے بھی بھارت سے شکست کو مایوس کن قرار دیتے ہوئے قومی ٹیم میں بڑی سرجری کرنے کا عندیہ دیا ہے۔

install suchtv android app on google app store